Казанда «Хендэ» белән бәрелешкән «Дэу Матиз» машинасын йөртүче хатын-кыз зыян күргән
Бүген Казанның Залесный бистәсендә юл-транспорт һәлакәте булган.
Скопировать ссылку
(Казан, 28 июль, «Татар-информ», Наталия Никифорова). Казанда «Дэу Матиз» машинасын йөртүче хатын-кыз «Хендэ» белән булган авариядә зыян күргән. Бу хакта шәһәр Дәүләт автоинспекциясе хәбәр итә.
Бүген Казанның Залесный бистәсендә көндезге сәгать берләр тирәсендә юл-транспорт һәлакәте булган. Бистәнең Залесная урамында «Дэу Матиз» һәм «Хендэ» машиналары бәрелешкән.
Авария урынында «Дэу Матиз» машинасын йөртүче хатын-кызга ашыгыч ярдәм чакырталар һәм табиблар аңа шунда ярдәм күрсәткән.
Һәлакәт урыныннан фотоларны шаһитлар социаль челтәрләргә урнаштырган.