Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Халыклар дуслыгы йортында милли киемле курчаклар күргәзмәсе була
Дуслык йортында «Бакый Урманчы» фильмы һәм «Татарстан. Бергә яшәү сәнгате» авторлык күргәзмәсе тәкъдим ителәчәк.
(Казан, 25 сентябрь, "Татар-информ"). 26 сентябрь көнне 16:00 сәгатьтә Татарстанның Халыклар дуслыгы йортының беренче катында милли костюмлы курчаклар күргәзмәсе ачыла. Бу турыда Дуслык йортының матбугат үзәге хәбәр итә.
Күргәзмә яңа мәдәни образлар һәм символлар табарга, Татарстан имиджын тудыру өчен искеләрен актуальләштерергә булышачак, заманча татар сәнгатенең дөнья мәдәнияте һәм сәнгате белән тирән бәйләнешен күрсәтәчәк.
Күргәзмәнең мөһим максаты булып Татарстан Республикасы һәм Казанның Европада танылышын арттыру, Татарстанның туристлык һәм инвестицион күркәмлеген көчәйтү, татар этносын милләтара дуслык һәм тынычлык үткәргеч буларак популярлаштыру тора, диелә хәбәрдә.
Күргәзмә ачылышы кысаларында авторлар белән берлектә экспозицияләр буенча экскурсия, «Бакый Урманчы» фильмын һәм «Татарстан. Бергә яшәү сәнгате» авторлык күргәзмәсен тәкъдим итү һәм фотосессия каралган.
Керү ирекле.
Кызыклы яңалыкларны күзәтеп бару өчен Телеграм-каналга язылыгыз