news_header_top_970_100
news_header_bot_970_100

Казанда халыкара конференциядә Россия вакфларының эшчәнлек тәҗрибәсе белән уртаклашалар

Конференция 21 ноябрьдә Казанның «Мираж» кунакханәсендә уздырыла.

(Казан, 20 ноябрь, «Татар-информ»). "Татар-информ" Татарстан Диния нәзарәтенә сылтама белән алдарак хәбәр иткәнчә, иртәгә, 21 ноябрьдә, Татарстан мөселманнары Диния нәзарәте һәм «ТР вакф» фонды «Россиядә вакфлар: үзенчәлекләре һәм үсеш перспективалары» дигән халыкара конференция үткәрә. 

Фәнни җыенда чит ил һәм Россия кунаклары катнаша. Төркиянең Казандагы генераль консулы Турхан Дилмач, Иран Ислам Республикасының Казандагы Генераль Консуллыгы җитәкчесе вазифаларын вакытлыча башкаручы Алибеман Эгбали Зарч, Бәхрәйннән югары шәригать суды рәисе Ибраһим әл-Мераихи, Ислам банкы үсеше белгече Мөхәммәд Салем вакф өлкәсен үстерү тәҗрибәсе белән уртаклашачак.

Конференциядә каралачак төп сораулар мондый:

  • Татар җәмгыятендә вакфның үсеше, тарихы, бүгенге халәте нинди?
  • Чит илләрдә вакф системасы ни рәвешле эшли?
  • Вакфлар социаль хәерчелек белән көрәшүгә нинди өлеш кертә ала?
  • Вакфның Россия кысаларында үсеше мөмкинме?

Мәгълүмат өчен: "Татарстан вакф фонды" мөселман дини оешмаларына, шул ук вакытта мөселман уку учреждениеләренә һәм балалар йортларына, социаль һәм материаль ярдәмгә мохтаҗ булган аерым гражданнарга адреслы ярдәм күрсәтә; мәдәни һәм хәйриячелек характерындагы биналарны саклау, төзекләндерү, яңартып коруда катнаша. Фонд тарафыннан оештырылган проектларны тормышка ашыруга ярдәм итә.


Исегезгә төшерәбез: конференция 21 ноябрьдә Казанның «Мираж» кунакханәсендә үтәчәк. Башлана 9.00 сәгатьтә. 

news_right_column_1_240_400
news_right_column_2_240_400
news_bot_970_100