Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда "Халык Кыш бабае" 100 мең сум акча алачак
Бәйге-фестивальдә теләге булган һәр казанлы катнаша ала.
![Казанда "Халык Кыш бабае" 100 мең сум акча алачак](https://tatar-inform.tatar/resize/shd/images/uploads/news/2017/12/5/f8c09b85c87291a654e672cb80ec2e1a4c5c30d4518d304fc53e82cfbc76.jpg)
(Казан, 5 декабрь, "Татар-информ", Анна Тарлецкая). Казанның яше 18дән узган һәр кешесе “Халык Кыш бабае” бәйгесендә катнаша ала һәм 100 мең сум акча отарга мөмкин. Бу хакта “Татар-информ”да узган матбугат конференциясендә Казан шәһәре мәдәният идарәсе җитәкчесе Азат Абзалов җиткерде.
“Быел бәйгедә катнашу өчен гаризаны сайт аша 8 декабрьгә кадәр бирергә була. Шартлар күп түгел. Кыш бабай 18 яшьтән өлкәнрәк булырга тиеш, ә аның командасы әгъзаларының яше чикләнмәгән. Команда ике кешедән башлап төзелә”, – дип сөйләде ул.
Төп чаралар 21-24 декабрьдә үтә. Анда Кыш бабай тулы интерактив программа белән шәһәр урамнарына һәм мәйданнарына, метро станцияләренә, хәтта аэропортка да чыга.
![](/resize/750/images/uploads/news/2019/11/17/62e4d5982895daa0af5245d4cfba548f74fda6598a7be6be4ed852d4ec26.jpg)
Шуны билгеләп үтәргә кирәк: жюри шоуның театраль һәм музыкаль өлешләрен генә түгел, команда җанатарлары санын һәм бердәмлеген дә билгеләячәк. Кыш бабай үзенә теләсә нинди костюм сайлап кия ала. Иң мөһиме – программаның уникаль һәм үзенчәлекле булуы. Ике тел белү өстенлекле саналачак.
25-28 декабрьгә программалар һәм командаларның визит карточкалары moroz.kzn.ru сайтына халык тавыш бирүенә куела. Бәйгегә йомгак ясаганда, ә ул 29 декабрьдә шәһәр чыршы бәйрәме ачылышында булачак, алар исәпкә алына.
Матбугат конференциясе азагында “Халык Кыш бабае – 2017” бәйгесе җиңүчесе Кронид Сазонов барлык казанлыларга уңышлар теләде.
Кызыклы яңалыкларны күзәтеп бару өчен Телеграм-каналга язылыгыз