Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда хәләл туклану оештырылган мәктәпләр исемлеген киңәйтү турында фикер алыштылар
"Хәләл" стандарты буенча комитеты рәисе Ирек Җиһаншин Казанның Азык-төлек һәм социаль туклану департаменты җитәкчесе Рима Мөхәммәтшина белән очрашты.
(Казан, 25 октябрь, "Татар-информ"). Казанда хәләл туклану белән тәэмин ителгән мәктәпләр һәм балалар бакчалары исемлеген киңәйтү, файдаланыла торган итне тулысынча хәләл стандартларына күчерү мөмкинлеге турында фикер алыштылар. Бу турыда Татарстан Диния нәзарәте матбугат хезмәте хәбәр итте.
Кичә ТР мөселманнары Диния нәзарәтенең "Хәләл" стандарты буенча комитеты рәисе Ирек хәзрәт Җиһаншин Казанның Азык-төлек һәм социаль туклану департаменты җитәкчесе Рима Мөхәммәтшина белән очрашты.
"Очрашуда Казанда хәләл туклану белән тәэмин ителгән мәктәп, мәктәпкәчә белем бирү учреждениеләре исемлеген киңәйтү, алар өчен файдаланыла торган итне тулысынча хәләл стандартларына күчерү мөмкинлеге турында фикер алыштылар", диелгән әлеге хәбәрдә.
Департаментны хәләл продукция белән тәэмин итүчеләрне билгеләү һәм авиакомпанияләр өчен бортта тәкъдим ителә торган азык-төлекнең сыйфатын арттыру мәсьәләләре дә каралган.
Ирек хәзрәт Җиһаншин һәм Рима Мөхәммәтшина комитет һәм департаментның киләчәк хезмәттәшлек юллары турында да сөйләшкән.
Кызыклы яңалыкларны күзәтеп бару өчен Телеграм-каналга язылыгыз