Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Казанда грипп һәм ОРВИ белән авыручылар саны эпидемиологик чиктән 11 процентка югары
Казанда грипп һәм ОРВИ белән авыручылар саны арта. 11нче атнада (10-16 мартта) 9,8 мең очрак теркәлгән. Бу эпидемиологик чиктән 11 процентка югарырак. Бу хакта эшлекле дүшәмбедә Казан Сәламәтлек саклау идарәсе башлыгы вазифаларын башкаручы Гөлнара Гайфуллина хәбәр итте.
Авыручылар санының югары дәрәҗәсе бигрәк тә өлкән яшьтәге кешеләр арасында күзәтелә – бу категориядә авыручылар саны эпидемиологик чиктән 30 процентка диярлек югарырак. Шул ук вакытта 0-2 яшьлек балалар арасында авыру очраклары 38 процентка, 3-6 яшьлек балалар арасында 41 процентка, 7-14 яшьлекләр арасында 39 процентка азрак.
Коронавирус белән бәйле вазгыятьтә уңай динамика күзәтелә — авыручылар саны ике тапкырга диярлек кимегән. Шулай ук кызамык белән бәйле вазгыять тотрыклыланган – агымдагы елның өч аенда Казанда нибары өч очрак кына теркәлгән. Каникул башлангач ОРВИ һәм грипп белән авыручылар саны кимиячәк, дип көтелә.
Кызыклы яңалыкларны күзәтеп бару өчен Телеграм-каналга язылыгыз