Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Горки-Әмәт урманында чаңгы прокаты эшли башлады
Кичә Казанның Горки-Әмәт урманында чаңгы прокаты эшли башлады. Спорт җиһазларын көн саен арендага алырга мөмкин: эш көннәрендә 10:00 дән 20:00 гә кадәр, ял көннәрендә – 9:00 дән 20:00 гә кадәр.
Җиһазларны прокатка алу өчен казанлыларга машина йөртү таныклыгы, хезмәт яки пенсия таныклыгы, иминият таныклыгы яки студентлар билетын залогка калдырырга кирәк. Прокат Җиңү проспекты, 69 адресы буенча чаңгы базасы бинасында урнашкан. Бу турыда Казан мэриясе хәбәр итте.
Профессионалларга – Горки урманындагы трасса, ә һәвәскәрләргә Әмәт урманындагы трасса бар, дип хәбәр итә Парклар һәм скверлар дирекциясе матбугат хезмәте.
Исегезгә төшерәбез, 19 ноябрьдә «Хезмәт резервлары» стадионында шугалак эшли башлады. Эш графигын һәм аренда бәясен рәсми сайтта белергә мөмкин. Ачылышка шулай ук «Ракета» һәм «Ак Барс Арена» стадионнарындагы шугалаклар әзерләнә. «Черек күл» паркында да тимераякта шуарга мөмкин булачак, анда ясалма сулыкны агызуга октябрь азагында керештеләр. Мәйданчыкны яктырту инсталляцияләре белән бизәячәкләр, ә бозның үзендә мастер-класслар һәм күңел ачу чаралары оештырылачак, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз