Казанда "Гелендваген" шоферы машинасы белән тимер юл күпере терәгенә бәрелеп һәлак булган
Юл һәлакәте бүген иртән Клара Цеткин урамында килеп чыккан.
Скопировать ссылку
(Казан, 18 сентябрь, «Татар-информ»). Казанда «Гелендваген» шоферы машинасы белән тимер юл күпере терәгенә бәрелеп һәлак булган. Бу хакта «Татар-информ» агентлыгына шәһәр Дәүләт автоинспекциясеннән хәбәр иттеләр.
Җитди юл һәлакәте бүген иртәнге бишләр тирәсендә Клара Цеткин урамында килеп чыккан. Башлангыч мәгълүматларга караганда, «Мерседес Гелендваген» автомобилен идарә итүче ир-ат зур тизлектә тимер юл күперенә килеп бәрелгән. Ир-ат алган җәрәхәтләрдән шунда ук һәлак булган.
Хәзерге вакытта ЮХИДИ хезмәткәрләре аның шәхесен ачыклый. Ир-атка чама белән 30-40 яшләрьне биреп була.
