Казанда Гаяз Исхакый һәм Габдулла Тукай әсәрләре буенча әдәби-музыкаль кичә узачак
Скопировать ссылку
Бүген, 19 августта, кичке сәгать 18:00дә Салих Сәйдәшев музеенда «Милли фаҗига. Айрат Арсланов» әдәби-музыкаль композициясе тәкъдим ителәчәк. Бу хакта музейның телеграм-каналында хәбәр ителә.
Татар халкының бөек вәкилләре — Гаяз Исхакый һәм Габдулла Тукай әсәрләре буенча әдәби-музыкаль кичәне Ихтыяр Кыямов алып барачак.
Иҗади кичә татар классик әдәбиятының мирасын һәм онытылмаслык сүз осталарының иҗатын сөючеләр өчен үзенчәлекле вакыйга булачак.
