Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда гарәп теле буенча Бөтенроссия олимпиадасы башланды
Олимпиадада Татарстан, Башкортстан, Дагстан, Чечня, Ингушетиянең 20дән артык мөселман уку йортларыннан студентлар катнаша.
(Казан, 13 декабрь, "Татар-информ"). Казанда Россия ислам институтында ислам дисциплинасы һәм гарәп теле буенча Бөтенроссия олимпиадасы башланды, дип хәбәр итә Россия ислам институты матбугат хезмәте.
Олимпиада ачылышында Россия ислам институты ректоры Рәфыйк Мөхәммәтшин катнашты.
Олимпиадада Татарстан, Башкортстан, Дагстан, Чечня, Ингушетиянең 20дән артык мөселман уку йортларыннан студентлар катнаша. Шулай ук Казанга Кабардино-Балкария, Мордовия, Карачай-Чиркәс һәм башка республикалардан студентлар килде.
Олимпиада ике өлештән тора. Беренче өлешендә язма эшләр була. Катнашучылар биредә номинациягә бәйле рәвештә телдән сорауларга җавап бирә һәм Коръән укыячак.
Олимпиада йомгаклары 14 декабрьдә билгеле булачак, шул ук көнне җиңүчеләрне һәм призлы урын яулаучыларны бүләкләү тантанасы уза.
Олимпиада 10 ел дәвамында һәр елны үткәрелеп килә. Узган ел оештыручылар мәдрәсәләр өчен аерым номинация керткән иде, киләсе елга магистрлар өчен номинация булдыру ниятләнә.
Кызыклы яңалыкларны күзәтеп бару өчен Телеграм-каналга язылыгыз