Казанда "Гаилә" үзәге каршындагы төзелеш мәйданчыгында янгын чыккан
Янгын бүген көндез Сибгат Хәким урамында булды.
Скопировать ссылку
(Казан, 10 апрель, “Татар-информ”). Шаһитлар Казанда "Гаилә" үзәге каршындагы төзелеш мәйданчыгында чыккан янгынны видеога төшергән. Кадрларда Сибгат Хәким урамындагы төзелеш мәйданчыгы өстендә кара төтен күтәрелүе күренә.
"Урынга янгын сүндерүчеләр китте”, – дип сөйләделәр “Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.
