Казанда «Фольксваген» автомобиле дусты белән юл аша чыгып баручы ир-атны бәрдергән
Юл һәлакәте бүген көндез Елга вокзалы янында – Порт урамында булган.
(Казан, 28 май, «Татар-информ», Полина Шевчук). Казанда «Фольксваген» автомобиле дусты белән юл аша чыгып баручы ир-атны бәрдергән. Бу хакта «Татар-информ» агентлыгына шәһәр Дәүләт автоинспекциясеннән хәбәр иттеләр.
Юл һәлакәте бүген көндез Елга вокзалы янында – Порт урамында булган.
Башлангыч мәгълүматлардан күренгәнчә, ике ир-ат светофорның кызыл уты янганда юл аша чыккан вакытта, аларны «Фольксваген» автомобиле бәрдереп киткән. Җәяүлеләрнең берсе дустын читкә этеп җибәргән, ә үзе тәгәрмәч астына килеп кергән.
«Алган җәрәхәтләрдән 42 яшьлек ир-ат шунда ук үлгән. Икене җәяүлене ашыгыч ярдәм табиблары карый. Урында юл-патруль хезмәте инспекторлары эшли. Фаҗиганең нечкәлекләре ачыклана», - дип искәрттеләр ЮХИДИ идарәсендә.