Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда февральнең 11 көнендә айлык явым-төшем нормасының 95 проценты күләмендә кар яуган
![Казанда февральнең 11 көнендә айлык явым-төшем нормасының 95 проценты күләмендә кар яуган](https://www.tatar-inform.ru/resize/shd/images/uploads/news/2024/2/12/45be372cad412f7bc7f3b57b02e23469.jpg)
Казанда бураннар дәвам итә һәм февральнең беренче 11 көнендә генә дә шәһәрдә айлык явым-төшем нормасына якын күләмдә кар яуды. Башкарма комитет җитәкчесе урынбасары Игорь Куляжев эшлекле дүшәмбе киңәшмәсендә шулай дип белдерде.
«Узып киткән гыйнвар Казан шәһәрен карга күмде, бу айда кыска гына вакыт эчендә айлык явым-төшем нормасының 170 проценты күләмендә кар яуды. Шуның белән бергә, февральдә гыйнвар тенденциясе дәвам итте һәм беренче 11 көндә шәһәрдә айлык явым-төшем нормасының 95 проценты күләмендә кар яуды һәм ул безнең предприятиеләргә тагын эш өстәде», - диде ул.
Куляжев билгеләп үткәнчә, шәһәр хезмәтләре алны-ялны белмичә эшли, әмма хәзер һич тә темпларны киметергә ярамый. Казан урамнарына көн саен 750 эшче һәм 1 мең берәмлектән артык юл техникасы чыга. Алар карны тарата, юлларга бозлавыкка каршы реагентлар сибә, урамнардан кар чыгара.
«Тәүлек саен кар эретү пунктларына 30 мең тоннадан артык кар төяп җибәрелә. Быелгы кышта Казан урамнарыннан 1,4 миллион тоннадан артык кар чыгарылды. Бу – бик зур сан, аны бары тик 2010-2011 еллардагы кыш белән генә чагыштырырга мөмкин. Ул чагында кышкы чорда 1,6 миллион тонна кар чыгарылган иде», - дип сүзен төгәлләде шәһәр Башкарма комитеты җитәкчесе урынбасары.
Кызыклы яңалыкларны күзәтеп бару өчен Телеграм-каналга язылыгыз