Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда федераль проект буенча Алгарышлы һөнәри әзерлек үзәге төзеләчәк
Үзәкнең төп бурычы – икътисадның инновацион үсеше өчен кирәкле яңа компетенцияләргә ия белгечләр әзерләүдә тиешле шартлар тудыру.
(Казан, 18 март, «Татар-информ», Надежда Гордеева). Казан педагогика көллияте базасында федераль проект буенча Алгарышлы һөнәри әзерлек үзәге төзеләчәк. Бүген республика мәгариф һәм фән министры Рафис Борһанов бишенче чакырылыш ТР Дәүләт Советының 45нче утырышында шул хакта хәбәр итте.
«2019 елда Россия Мәгариф министрлыгының конкурс нигезендә сайлап алу турын узган Казан педагогика көллияте базасында федераль проект кысаларында Алгарышлы һөнәри әзерлек үзәге төзеләчәк», - диде ТР мәгариф һәм фән министры.
Аның сүзләренчә, үзәкнең төп бурычы – икътисадның инновацион үсеше өчен кирәкле яңа компетенцияләргә ия белгечләр әзерләүдә тиешле шартлар тудыру.
«Әлеге максатларга федераль бюджеттан 45 миллион сум акча бүлеп биреләчәк», - дип искәртте Борһанов.
Кызыклы яңалыкларны күзәтеп бару өчен Телеграм-каналга язылыгыз