Казанда эскәмия белән койма арасында кысылып калган ир-атны коткарганнар
42 яшьлек зыян күрүчене ашыгыч ярдәм бригадасына тапшырганнар.
(Казан, 28 май, «Татар-информ»). Казанда эскәмия белән койма арасында кысылып калган 42 яшьлек ир-атны коткарганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
«Кичә 16.10 сәгатьтә 112 бердәм номерына Лушников урамындагы 1нче йорт янында бер ир-атның койма белән эскәмия арасында кысылып калу турында хәбәр килгән», - дип искәрттеләр ведомствоның матбугат хезмәтендә.
Чакыру буенча килгән Казанның янгын-коткару отряды хезмәткәрләре махсус гидравлик корал ярдәмендә эскәмиянең тимерләрен кисеп, 42 яшьлек ир-атны тоткынлыктан азат иткән һәм ашыгыч ярдәм бригадасына тапшырган.
