Казанда электр тапшыру линиясе баганасына бәрелгән «Лада» йөртүчесе хастаханәдә үлгән
Скопировать ссылку
Казанда ТЭЦ урамында электр тапшыру линиясе баганасына бәрелгән 14нче модельле «Лада» автомобиле белән идарә иткән 18 яшьлек егет хастаханәдә үлгән. Бу хакта «Татар-информ»га шәһәр Дәүләт автоинспекциясендә хәбәр иттеләр.
Элегрәк агентлыкка Казан буенча Эчке эшләр министрлыгының ЮХИДИ бүлеге башлыгы урынбасары Айрат Хәмидуллин сөйләгәнчә, машинада бары тик йөртүче генә булган. Аны аңсыз хәлдә хастаханәгә китергәннәр иде.
Юл-транспорт һәлакәтеннән соң төшерелгән видеодан күренгәнчә, баганага бәрелгән автомобиль изелеп беткән.