Казанда ел саен уза торган шигърият бәйрәмендә утызлап татар шагыйре чыгыш ясады
Шигърият бәйрәмен Мөдәррис Әгъләмнең "Тукайга хатлар" поэмасыннан өзекләр белән Казан театр училищесы студентлары башлап җибәрде.
Скопировать ссылку
(Казан, 26 апрель, "Татар-информ", Рузилә Мөхәммәтова). Казанда ел саен Габдулла Тукай көнендә уза торган шигърият бәйрәмендә утызлап татар шагыйре чыгыш ясады. Шигърият бәйрәменә халык мәйдан тутырып килгән иде.
Шигърият бәйрәме Мөдәррис Әгъләмнең "Тукайга хатлар" поэмасыннан өзекләр белән башланып китте. Шигырьләрне Казан театр училищесы студентлары укыды.
Халык алдында Татарстан мәдәният министры урынбасары Дамир Натфуллин чыгыш ясады. Ул шулай җанга үтәрлек итеп Тукай шигырьләрен сөйли алган яшьләребез барында телебезнең. киләчәге барлыгына ышаныч белдерде.