Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Екатерина II каретасының чуен күчермәсен реставрацияләгәннәр
Бауман җәяүлеләр урамындагы Императрица Екатерина II каретасының чуен күчермәсен октябрь ахырында реставрациягә җибәргәннәр иде, хәзер аны кабат шәһәрдә яшәүчеләр һәм кунаклар карый ала. Бу хакта Казанның Вахитов һәм Идел буе районнары администрациясе үзенең Телеграм-каналында хәбәр итте.
«Каретаны реставрацияләү тәмамланды: рәссам Илнур Бакиров бик пөхтә генә итеп карета рәсемнәрен яңартты», - дип уртаклаштылар администрациядә.
Һәйкәлнең сәнгати бизәлешен яңарту инициативасы белән императрица шәһәргә үз каретасын бүләк иткәнгә 255 ел тулу уңаеннан Бауман урамының бизнес-бергәлеге чыгыш ясады.
Екатерина II 1767 елда Идел буйлап сәяхәт иткәндә Казанда була. Шуннан соң ул шәһәргә үз каретасын бүләк итә, ул бүгенге көнгә кадәр Татарстан Милли музеенда саклана. Экипажның чуен күчермәсен Бауман урамында 2000 елда урнаштырдылар.
Кызыклы яңалыкларны күзәтеп бару өчен Телеграм-каналга язылыгыз