Казанда джиу-джитсу буенча дөнья чемпионатында суперкөрәш узды
Татарстан башкаласында беренче тапкыр Бразилия джиу-джитсы буенча TWWBJJ WORLD OPEN CHAMPIONSHIP 2026 дөнья чемпионаты старт алды. Танылган мөселман тренеры Айрат Кәлимуллин истәлегенә багышланган турнир кичә, 10 октябрьдә башланды, ә бүген суперкөрәш узды.
Чараны Татарстан мөфтие Камил хәзрәт Сәмигуллин ачып җибәрде.
«Барлык спортчыларга, бу бәйрәмне, көрәш бәйрәмен булдыруда катнашканнарның барысына да рәхмәт белдерәм. Быел без аны яраткан тренерыбыз Айрат Давид улы Кәлимуллинга багышладык, без аны барыбыз да хәтерлибез. Ул Татарстан Республикасы Джиу-джитсу федерациясен булдырды. Һәм без даими рәвештә көчле дин тотучыларның, хәдистә әйтелгәнчә, көчсез дин тотучыларга караганда яхшырак булуы турында искә төшерә идек. Һәм сүз рухи көч турында гына түгел, физик көч турында да бара. Сезнең арагыздан иң яхшысы – җәмгыятькә күбрәк файда китерүче. Катнашкан һәркемгә тагын бер кат рәхмәт, хөрмәтле тренерыбызны искә алыйк», - диде Камил хәзрәт.
Иң көчле дүрт команда бер келәмгә чыкты: ICON International, Marcelo Garcia JJ, Gojira, Strela Team.
Көрәштә җиңү яулаган спортчы келәмдә калырга һәм көндәш командасыннан башка спортчы белән көрәшне дәвам итәргә хокуклы.
Ләкин ул көчләр балансын саклап калу өчен рәттән икедән артык көрәш уздыра алмый.