Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда дизайн юнәлешендә Креатив индустрияләр мәктәбе ачыла
Фешин исемендәге Казан сынлы сәнгать училищесы кысаларында яңа уку елыннан Креатив индустрияләр мәктәбе эшли башлаячак.
«Креатив индустрияләр мәктәбе – бюджет нигезендә өстәмә белем бирү максатларында башланган федераль проект. Аның безнең училищеда ачылуы – дизайн буенча эш тәҗрибәбез булуы һәм бөтен Россия буйлап дизайнерлар белән хезмәттәшлек итүебез», - диде училище директоры Ольга Гыйльметдинова проектны журналистларга тәкъдим итеп.
Креатив индустрияләр мәктәбенә 12 – 16 яшьлек балалар чакырыла. Уку түләүсез. Укырга керүчеләр өчен сынаулар каралмаган. «Без укучылар кабул итү турында игълан иткәч, кем гариза биреп өлгерә – шул эләгә. Бу бик уңайсыз, ләкин шулай булачак», - диде Ольга Гыйльметдинова.
Укырга 80 кеше алына. Бу 20 кешелек дүрт төркем дигән сүз. Болар - Виртуаль чынбарлык студиясе, Дизайн студиясе, Анимация һәм мультипликация студиясе, Фото-видеопродукция студиясе.
Оештыручылар киләсе елга кием дизайны һәм гамәли сәнгать студиясе дә ачарга җыеналар.
- Бүген Фешин исемендәге Казан сынлы сәнгать училищесында мәдәният министры матбугат вәкилләре белән очрашты. Ирада Әюпова училищеның Карл Маркс урамындагы бинасына экскурсия уздырды.
Кызыклы яңалыкларны күзәтеп бару өчен Телеграм-каналга язылыгыз