Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда диспансеризацияне 145 меңнән артык кеше узган
2016 елда табиблар Казанда 204 мең кешенең сәламәтлеген тикшерер дип көтелә.
(Казан, 21 ноябрь, «Татар-информ», Алексей Анисимов). Казанда халыкны диспансеризацияләү дәвам итә – бу хакта эшлекле дүшәмбедә Казанның сәламәтлек саклау идарәсе җитәкчесе Илнур Хәлфиев сөйләде.
Агымдагы елның 10 аенда белгечләр 145 848 кешене тикшергән (бу еллык планының 71 проценты). Тикшеренергә җәлеп ителүчеләр арасында хезмәткә сәләтле халык әз булуын әйтте Казанның Сәламәтлек саклау идарәсе җитәкчесе. “Нәкъ менә 39-60 яшьләрдә куркыныч факторлар формалаша яисә кискенләшә, - ди Илнур Хәлфиев. – Аннары бу кискен хроник авыруларга китерә. Кызганычка, эре преприятияләрнең, шулай ук кече һәм уртакул эшкуар оешмаларының күп кенә җитәкчеләре, аларның хезмәткәрләре диспансеризациядә катнашуның кирәген тапмый”.
Диспансеризация вакытында белгечләр тарафынан җитди авырулар ачыклау очраклары бар. Күпчелек очракта алар башлангыч стадияләрдә ачыклана һәм пациентны дәвалап була. “Безнең шәһәр халкына мөрәҗәгать итәсем килә: кайвакыт авыру үзе турында берничек белдерми, ләкин организмда процесс бара. Шуның өчен диспансеризацияне узу һәрберебез өчен мөһим. Авыруны дәвалаганчы кисәтү яхшырак”, - дип нәтиҗә ясады Илнур Хәлфиев.
Кызыклы яңалыкларны күзәтеп бару өчен Телеграм-каналга язылыгыз