Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда дин әһелләре вакф перспективалары турында фикер алыша
II Халыкара фәнни-гамәли конференция ачылды.
(Казан, 21 ноябрь, "Татар-информ", Гөлнар Гарифуллина). Казанда "Россиядә вакфлар: хәзерге халәте һәм перспективалар" исемле II Халыкара фәнни-гамәли конференция ачылды.
Татарстан мөселманнары Диния нәзарәте рәисенең беренче урынбасары Рөстәм хәзрәт Вәлиуллин катнашучыларны республика мөфтие Камил хәзрәт Сәмигуллин исеменнән сәламләде. Вакф белән гади сәдака арасындагы аерманы аңлатты. "Кеше матди милеген кулланышка бирә, ул файда китергән чорда шуның үзе өчен әҗерен күрә", – диде.
Татарстан мөфтие урынбасары,"ТР Вакфы" фонды генераль директоры Мансур хәзрәт Җәләлетдинов Россиядә мөселман лидерларының вакф төшенчәсен кайвакыт аңлап бетерә алмауларын билгеләп узды. "Бүгенге Россиядә вакфны башка ислам институтлары белән бутыйлар. Еш кына агымдагы чыгымнарны финанслау фонды буларак кабул итәләр", – диде ул. Заманында вакф буенча комиссия оештыру зарурияте мәсьәләсе белән ул Татарстанның беренче Президенты Минтимер Шәймиевка мөрәҗәгать иткәннәрен искәртте. Шул рәвешле, Татарстанда вакф милке турында положение кертелгәнен әйтте.
Пленар утырыштан соң, гомуми нигезләмәләр һәм вакф кагыйдәләре темасына 1 нче секция һәм вакфлар үсешендә Россия һәм чит ил тәҗрибәләре темасына 2 нче секция утырышлары узачак.
Кызыклы яңалыкларны күзәтеп бару өчен Телеграм-каналга язылыгыз