Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда дөньякүләм танылган башкорт этно-төркеме катнашында концерт бара
Концертны "Татар-информ" мәгълүмат агентлыгы онлайн күрсәтә.
(Казан, 18 декабрь, "Татар-информ", Рузилә Мөхәммәтова). Габдулла Тукай исемендәге Татар дәүләт филармониясенең Концертлар залында Хөсәен Әхмәтов исемендәге Башкорт дәүләт филармониясенең «Җилләр көе» концерты башланып китте. Концертны "Татар-информ" мәгълүмат агентлыгы онлайн күрсәтә. Концерт аншлаг белән бара.
Концертта филармониянең иҗади коллективлары, шул исәптән, Мексикада узган «Фольклориада» фестивалендә катнашып дан казанган «Аргамак» этно-рок төркеме катнаша.
Программада шулай ук Линар Дәүләтбаев җитәкчелегендәге Милли халык уен кораллары оркестры, Башкорт филармониясе солистлары – Башкортстанның халык артистлары Азамат Тимеров, Римма Амангильдина, Халыкара, Бөтенроссия һәм республикакүләм конкурслар лауреаты Марсель Кутуев чыгышлары.
Программаның режиссеры – Башкортстанның атказанган артисты Чулпан Аскарова.
Филармония администраторы Айсылу Заһретдинова әлеге концерт Татарстанның тагын ике шәһәрендә - Актаныш белән Минзәләдә булачагын әйтте. Концертның тиз арада оештырылганы өчен Габдулла Тукай исемендәге Татар дәүләт филармониясе җитәкчелегенә рәхмәтен җиткерде.
Сүз уңаеннан, Айсылу Заһретдинова дөньякүләм танылган курайчы Роберт Заһретдиновның кызы.
Кызыклы яңалыкларны күзәтеп бару өчен Телеграм-каналга язылыгыз