Казанда Дөнья чемпионаты вакытында алкоголь сатуга контроль көчәйтеләчәк
Казанда узган FIFA Конфедерацияләр кубогы вакытында берәмләп алкоголь сату өлкәсендә кагыйдә бозу очраклары ачыкланган булган.
(Казан, 24 гыйнвар, «Татар-информ», Наталья Рыбакова). Казанда 2018 елгы Дөнья чемпионаты вакытында алкоголь сату буенча контроль көчәйтеләчәк. Бу хакта Татарстан Дәүләт алкоголь инспекциясе коллегиясенең 2017 ел нәтиҗәләре буенча үткәрелгән утырышында ведомство җитәкчесе Җәүдәт Әхмәтханов хәбәр итте.
“Узган елның июнендә без FIFA Конфедерацияләр кубогын үткәрүдә катнаштык. Инспекция хезмәткәрләре футбол матчлары үткәрелгән көннәрдә алкоголь продукциясен сату өчен аерым режим билгеләде”, - дип билгеләп үтте ул.
Казанда FIFA Конфедерацияләр кубогы вакытында 7 оешмада 13 кагыйдә бозу очрагы ачыкланган. Татарстан Дәүләт алкоголь инспекциясе хезмәткәрләренә тәҗрибәләре 2018 елгы Дөнья чемпионатында алкоголь продукциясе сату тәртибен контрольдә тотарга ярдәм итәчәк.