Җәмгыять 4 май 2018 14:46

Казанда Дөнья чемпионаты көннәрендә алкогольле эчемлекләр сату чикләнә

«Аек» зонага «Казан Арена» стадионы яны, тимер юл вокзаллары, шәһәр үзәге, автовокзаллар, аэропорт кергән.

Скопировать ссылку

(Казан, 4 май, «Татар-информ»). Казанда футбол буенча Дөнья чемпионаты барган көннәрдә алкогольле эчемлекләр сатуны чикләячәкләр. Татарстан Премьер-министры Алексей Песошин имзалаган карар ТР хокукый мәгълүмат порталында дөнья күргән.

«Аек» зонага «Казан Арена» стадионы янындагы территория, «Казан-1» һәм «Казан-2» тимер юл вокзаллары, шәһәр үзәге (Үзәк стадион, Бауман, Петербург урамнары, Казансу елгасы яр буе), «Южный» һәм «Восточный» автовокзаллары, «Казан» халыкара аэропорты кергән.

Аларда чикләүләр 2018 елның 15, 16, 19, 20, 23, 24, 26, 27, 29, 30 июне һәм 5, 6 июлендә гамәлдә булачак.

Чикләүләр шулай ук чемпионат барган көннәрдә (29 июнь, 4, 5, 8, 9, 12 һәм 13 июльдән кала) фан-фест зоналарга да кагылачак.

#Футбол буенча дөнья чемпионаты

Сәхифәләр

Казанда Дөнья чемпионаты көннәрендә алкогольле эчемлекләр сату чикләнә