Казанда чираттагы татарча стендап-шоу уза
Скопировать ссылку
8 октябрьдә 19:00 сәгатьтә Казанның «Шәрык клубы» интерактив мультимедиа комплексында чираттагы татарча стендап-шоу оештырыла. Бу хакта «Шәрык клубы» телеграм-каналында хәбәр итә.
Тамашачылар татар юмор осталарының тормышчан һәм үткен чыгышларын ишетә алачак. Кичә кысаларында заманча юмор аша татар теленең һәм мәдәниятенең үзенчәлекле яклары чагылдырылачак.
Оештыручылар билгеләп үткәнчә, бу татарча заманча юморны бәяләүче яшьләр өчен менә дигән ял итү мөмкинлеге булачак.
Чарага килү өчен билетларны сылтама аша алырга була.