Казанда чирәмдәге хоккей буенча Россия Спартакиадасының финалы узачак
Ярышларда 17-18 яшьлек егетләр һәм кызлар катнашачак.
Скопировать ссылку
(Казан, 22 июль, "Татар-информ"). 2-9 августта Казанның Чирәмдәге хоккей үзәгендә IV Россия яшьләр җәйге чирәмдәге хоккей буенча Спартакиадасының финалы узачак. Бу хакта Татарстан Республикасы Спорт министрлыгының матбугат хезмәте хәбәр итә.
Ярышларда 17-18 яшьлек егетләр һәм кызлар аерым-аерым катнаша. Егетләрдән дә, кызлардан да - 10ар команда, 5әр командадан торган икешәр кече төркемгә бүленеп уйный.
Төркем этабыннан соң һәр кече төркемнән ике команда ярымфиналга чыга. Ярышлар Чирәмдәге хоккей үзәгенең ике уен кырында үткәреләчәк.