Казанда чик сакчыларының тантаналы митингы узды
Чара барышында "Казан"халыкара аэропортының чик буе хезмәткәрләренә Мактау кәгазьләре тапшырылды.
Скопировать ссылку
(Казан, 28 май, "Татар-информ"). Бүген Казанның Горький исемендәге үзәк паркында чик сакчыларының тантаналы митингы узды. Бәйрәм чарасы Мәңгелек ут янында оештырылды.
Тантанага килүчеләрне республикадагы чик сакчыларының тарихы белән Федераль куркынычсызлык хезмәтенең чик буе хезмәтенең ветераннар советы рәисе, запастагы полковник Ринат Гыймадиев таныштырды.
Чара барышында "Казан" халыкара аэропортының чик буе хезмәткәрләренә Мактау кәгазьләре дә тапшырылды.
Митинг тәмамлангач, һәлак булган сугышчылар һәйкәленә чәчәкләр салынды.
