news_header_top_970_100
Руc Тат
16+
news_header_bot_970_100
Авыл 29 декабрь 2016 20:37

Казанда чатырлы ярминкәләр реестрын булдырырга ниятлиләр

Татарстан башкаласында көздән җиде чатырлы ярминкә мәйданчыгы эшли башлады.

Скопировать ссылку

(Казан, 29 декабрь, “Татар-информ”). Казанда чатырлы ярминкәләрнең реестры булдырылачак. Бу хакта бүген Татарстан Авыл хуҗалыгы һәм азык-төлек министрлыгында узган киңәшмәдә карар кылынды, дип хәбәр итә министрлыкның матбугат хезмәте.

Мәгълүм булганча, чатырлы ярминкәләр Казанда быел көз оештырылган иде. Алар Фучик урамындагы 64 нче йорт, Липатов урамындагы 7 нче йорт, Зәкиев урамындагы 12 нче йорт, Дементьев урамындагы 7 нче йорт, Беломорский һәм Гудованцев урамнары киселешендәге 34 нче йорт, Батыршин урамындагы 20 нче йорт һәм Лаврентьев урамындагы 10 нчы йорт янында урнашкан.

Иң зур ярминкә мәйданы Лаврентьев урамындагысы – биредә 68 сәүдә ноктасы бар.

“Безнең предприятиеләр, крестьян-фермерлык һәм шәхси ярдәмче хуҗалыклар үз продукцияләрен бу мәйданнарда иртәнге сәгать 6дан көндезгә сәгать 12гә кадәр сатачак”, – дип сөйләде Татарстан авыл хуҗалыгы һәм азык-төлек министры беренче урынбасары Николай Титов.

Киңәшмәдә Казанның Башкарма комитетына бу сәүдә мәйданчыкларын төзекләндерергә, шәһәрнең Дәүләт ветеринария берләшмәсенә ветеринар тикшерүне көчәйтергә йөкләмә бирелде.

#ярминкә
autoscroll_news_right_240_400_1
autoscroll_news_right_240_400_2
news_bot_970_100