news_header_top
16+
news_header_bot
news_top

Казанда чаңгычыны коткардылар

Зур тизлектә чокырга барып төшкән 18 яшьлек егет аягын имгәтә

(Казан, 5 гыйнвар, “Татар-информ”). Кичә көндез 2 нче ЗПСО коткаручылары Горький исемендәге паркның карлы чокырында коткару операциясендә мәшгуль булды, дип хәбәр итә ТР Гадәттән тыш хәлләр министрлыгының матбугат хезмәте.

Тау чаңгысында шуу белән шөгыльләнүче яшьләр төркеме үзәк мәдәният һәм ял паркының таудан текә төшү урыннарын үз иткән. Зур тизлектә чокырга барып төшкән 18 яшьлек егет аягын имгәтә. Иптәшләренең генә аңа булышырга көче җитми. Алар коткаручыларга ярдәм сорап мөрәҗәгать итә. 4 кешедән торган коткаручылар төркеме егетне эвакуацияли. Алар егетнең имгәнгән аягына шиннар салып, беренче медицина ярдәмен дә күрсәтә.

news_right_1
news_right_2
news_bot