Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Чечен Республикасы мәдәнияте көннәре тәмамланды
Казанда Чечен Республикасы мәдәнияте көннәре 11-13 май көннәрендә үтте.
Чечен сәнгать осталары Казанга алып килгән концертның девизы итеп республиканың беренче Президенты Әхмәт Кадыйровның «Мәдәнияттән башка милләт юк» дигән сүзләре алынган иде. Бу сүзләр концертны алып баручы тарафыннан да яңгырады, видеорәттән дә күренеп торды.
Казанда өч көн рәттән дәвам иткән Чечен Республикасы мәдәнияте көннәре Габдулла Тукай исемендәге Татар дәүләт филармониясенең Концертлар залында республиканың 100 еллыгына багышланган концерт белән төгәлләнде.
Оештыручылар концертның Аднан Шахбулатов исемендәге Чечен дәүләт филармониясе коллективлар һәм артистлары белән оештырылуын әйтте.
Концерт башында тамашачыга чечен мәдәнияте турында мәгълүмат бирелде. Программага дөнья һәм рус классикасы әсәрләре һәм милли әсәрләр кертелгән.
Казан тамашачысы алдында Чечен халык уен кораллары оркестры, «Илли» ирләр хор капелласы, Балалар симфоник оркестры, Чечен Республикасының халык артисты Мурад Майкиев һәм Чечен Республикасының атказанган артисты Айна Исаева чыгыш ясады.
Концертның кульминацион ноктасы «Вайнах» бию академик ансамбле чыгышы иде.
Тамашачы концертны югары бәяләде. Аның бер тында үтүен әйттеләр.
Татарстанда Чечен мәдәнияте көннәре Чечен Республикасының мәдәният министры Айшат Кадыйрова катнашында үтте.
Кызыклы яңалыкларны күзәтеп бару өчен Телеграм-каналга язылыгыз