Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда чәкчәктән 10 метр биеклектәге манара төзеделәр
Бүген Казан гаилә үзәге каршындагы мәйданда 10 метр һәм 14 сантиметрлы чәкчәк манарасы төзелде. Биеклек буенча яңа рекордтан тыш, манара авырлык буенча да дөньядагы иң авыр чәкчәк булды – 4 тонна һәм 509 килограмм.
Гастро-гигант әзерләүдә катнашкан танылган кондитер Ренат Әгъзамов билгеләп үткәнчә, десертның биеклеге дүрт катлы бинага тигез. Чәкчәкне ясауда профессиональ пешекчеләр генә түгел, Казанда яшәүче гади кешеләр дә катнашкан.
Проблемаларсыз гына булмый – манараны төзегәндә, көчле кояш аркасында чәкчәк эри башлаган һәм манара әкренләп җимерелгән. Әмма пешекчеләр командасы тиз ориентлаша, кечерәк блоклар ясый башлый һәм аларның һәркайсын азык-төлек пленкасына төрә.
Манараны төзү тәмамлангач, Россиянең гастрономия рекордлары рәсми хөкемдары аның биеклеген теркәү өчен иң югары ноктасына күтәрелә. Ә авырлыгы бөтен төзелеш барышында теркәлеп бара. Нәтиҗәдә ул рекорд куелуны раслый.
Кызыклы яңалыкларны күзәтеп бару өчен Телеграм-каналга язылыгыз