Җәмгыять 12 ноябрь 2018 10:23

Казанда быелгы капиталь ремонт программасы 85 процентка үтәлгән

Шәһәр хакимиятендә күпфатирлы йортларда төзекләндерү эшләрен алдагы ай башында төгәлләргә вәгъдә итәләр.

Скопировать ссылку

(Казан, 12 ноябрь, «Татар-информ», Динара Прокопьева). Казанда капиталь ремонт программасына кертелгән йортларның 85 проценттан артыгы төзекләндерелгән. Бу хакта мэриядә узган эшлекле дүшәмбе киңәшмәсендә билгеле булды.

«Бүгенге көндә капиталь ремонт программасы 85,95 процентка үтәлгән. Барлык эшләрне дә агымдагы елның 1 декабренә төгәлләү күздә тотыла», - дип хәбәр итә Казан мэриясенең матбугат хезмәте.

Быел Казанда капиталь ремонт программасына 280нән артык йорт кергән. Исемлектә шулай ук быел бер гасырлык юбилеен билгеләп үткән Юдино бистәсендәге 27 йорт та бар. Капиталь ремонт программасына республика бюджетыннан 2,1 миллиард сум акча бүлеп бирелгән.

Татарстан башкаласында капиталь ремонт программасы 2008 елда башланды. Шушы вакыт эчендә 2,7 меңнән артык йорт төзекләндерелгән. Нәтиҗәдә, шәһәрдә яшәүче ярты миллионнан артык кешенең яшәү шартлары яхшырган.

#төзекләндерү #капиталь ремонт программасы

Сәхифәләр

Казанда быелгы капиталь ремонт программасы 85 процентка үтәлгән