news_header_bot
Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
news_top
Казанда БПЛА һөҗүмендә зыян күргән «Лазурные небеса» торак йортының фасадын яңартачаклар
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Татарстан Рәисе Рөстәм Миңнехановка гражданнардан килгән мөрәҗәгатьләр сәбәпле, Казанда БПЛА һөҗүменнән зыян күргән «Лазурные небеса» торак комплексындагы йортның фасадын яңартачаклар. Бу хакта «Татар-информ»га республика Рәисенең матбугат хезмәтендә хәбәр иттеләр.
«Әлеге факт буенча Рөстәм Миңнеханов республика Хөкүмәтенә эшләр күләмен һәм таләп ителгән сумманы ачыклау өчен техник һәм финанс исәп-хисаплар ясарга йөкләмә бирде. Моннан тыш, материалларны кайтару логистикасын эшләргә боерык бирелде, чөнки алмаштыру өчен, йорт төзегәндә кулланылган материал кирәк булачак. Җитештерүче чит илдә», – дип аңлаттылар матбугат хезмәтендә.
Шулай ук шушы вакыт эчендә, бинаны җентекләп тикшергәннәр, зыян күләмен ачыклаганнар һәм төзекләндерү-яңарту эшләре өчен смета хисабы әзерләгәннәр.
«Барлык чаралар өчен дә акча бүленде. Фасадларны чит илдән кайтарырга туры килгәч, объектив сәбәпләр аркасында, бу вакыт алырга мөмкин», – дип әйттеләр Рәиснең матбугат хезмәтендә.
Искәртеп үтик, узган елның декабрендә Украина беспилотниклары Татарстандагы торак йортларга һөҗүм итте. Беспилотниклар «Лазурные небеса», «Манхеттен» торак комплексларына, шулай ук К. Цеткин урамындагы йортка төште. Тагын бер БПЛА Кызыл Позиция урамындагы 5 йорт ишегалдына төште.
Кызыклы яңалыкларны күзәтеп бару өчен Телеграм-каналга язылыгыз
news_right_1
news_right_2
news_bot