Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда ботулизм йоктыручылар саны 19 кешегә җиткән
Татарстанда күпләп агулануга бәйле вазгыять катлаулануын дәвам итә, аның сәбәпчесе фасольле салат куллану булырга мөмкин. «Татар-информ» агентлыгына билгеле булганча, ботулизмда шикләнеп медицина ярдәме сорап мөрәҗәгать итүчеләрнең саны инде 19 кешегә җиткән.
Ботулизм йоктыру очракларының барысын да «Локалкитчен» ҖЧҖ компаниясе җитештергән «Лобио» салатын куллану белән бәйлиләр. Зыян күрүчеләрнең күбесе, 18 кеше, хәзерге вакытта йогышлы авырулар хастаханәсендә дәвалана. Бер кеше элегрәк хастаханәгә барудан баш тарткан иде.
Шуңа бәйле рәвештә, Россия Тикшерү комитетының Татарстан буенча идарәсе кулланучыларның тормышы һәм сәламәтлеге иминлеге таләпләренә җавап бирми торган хезмәтләр күрсәтү турындагы маддә буенча җинаять эше кузгатты.
Вазгыять тиешле ведомстволарның контролендә. Агулануның төгәл сәбәпләрен ачыклау һәм киләчәктә мондый очракларны булдырмас өчен тикшерү үткәрелә. Республика халкына азык-төлек сайлаган вакытта сак булырга һәм аның сыйфатына игътибар бирергә киңәш ителә.
Кызыклы яңалыкларны күзәтеп бару өчен Телеграм-каналга язылыгыз