Казанда Бөтендөнья татар конгрессының Милли шура утырышы башланды
Скопировать ссылку
Казанда «Корстон» үзәгенең Пушкин залында Бөтендөнья татар конгрессының Милли шура утырышы башланды. Утырышта төрле төбәкләрдән Милли шура әгъзалары катнаша. Утырыш кысаларында 2025 елга нәтиҗәләр ясала һәм 2026 елга эш планы кабул ителәчәк.
Бөтендөнья татар конгрессының Башкарма комитеты җитәкчесе Данис Шакиров 2025 елда узган чаралар буенча хисап тотты. Ул аерым игътибарны узган елда Бөтендөнья татар конгрессының махсус хәрби операциядә ярдәм оештыру мәсьәләләренә юнәлтте.
Фото: «Татар-информ», Зөлфия Шәвәлиева