Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда Бөек Ватан сугышына багышланган виртуаль экспозиция ачыла
Казанда 22 июньдә Хәтер һәм кайгы көненә багышланган «Бөек Ватан сугышы тарихыннан бер көн» виртуаль күргәзмәсе ачылачак. Татарстан Республикасы дәүләт архивының интернет мәйданчыкларында сугыш башланган елларда Казанга һәм Татарстанга багышланган 7 язма тәкъдим ителәчәк, дип хәбәр итә Казан мэриясе матбугат хезмәте.
Күргәзмәнең төп темасы Бөек Ватан сугышы чорында Казан һәм Татарстан тормышы булачак. Күргәзмәдә Татарстанның биш районы архивларыннан материаллар тәкъдим ителәчәк. Лаеш, Зәй, Теләче районнары һәм Чаллы шәһәре вакыйга шаһитлары фотографияләре, документлары, хатлары һәм истәлекләре белән уртаклашачаклар. Төп материалларны ТР архив эше буенча дәүләт комитеты тапшырачак, җитештерү предприятиеләре һәм авиация документларына басым ясалачак.
Материалларны ТР архив эше буенча дәүләт комитетының дүрт электрон платформасында күрергә була: рәсми сайтта, ВКонтакте төркемендә, Одноклассники социаль челтәрендә һәм телеграм-каналда.
Кызыклы яңалыкларны күзәтеп бару өчен Телеграм-каналга язылыгыз