Җәмгыять 27 февраль 2015 17:07

Казанда “Без бердәм булганга җиңелмибез!” конфессияара социаль акция уза

Акциядә катнашучыларга танылган татарстанлыларның, Бөек Ватан сугышында катнашучыларның Җиңүгә керткән өлешләре турында сөйләячәкләр

Скопировать ссылку

(Казан, 27 февраль, «Татар-информ»). 3 мартта Казанда Бөек Ватан сугышында Җиңүгә 70 ел тулу уңаеннан “Без бердәм булганга җиңелмибез!” дип аталган конфессияара социаль акция уза, дип хәбәр итә оештыручылар.

Конфессияара социаль акция балаларны Ватан тарихын өйрәнүгә җәлеп итү һәм аларны бер-берсенә карата түземле мөнәсәбәттә тәрбияләү максатыннан оештырыла.
Татарстанның өч төп конфессия вәкилләре – мөселманнар, православлар һәм яһүдиләр акциядә катнашучыларга танылган татарстанлыларның, Бөек Ватан сугышында катнашучыларның Җиңүгә керткән өлешләре, шулай ук республиканың рухи мирасы турында сөйләячәкләр.

Моннан тыш, балалар интерактив уеннар ярдәмендә сугышның фаҗигале тарихы турында белемнәрен арттыра ала.

Сәхифәләр

Казанда “Без бердәм булганга җиңелмибез!” конфессияара социаль акция уза