Җәмгыять 15 сентябрь 2016 19:21

Казанда берничә даруханәдә аеруча мөһим даруларга бәяләр арттырылып сатылган

Тарифлар буенча ТР Дәүләт комитеты берничә даруханәдә тикшерү үткәреп, бәяләр арттыру фактларына юлыга.

Скопировать ссылку

(Казан, 15 сентябрь, «Татар-информ»). Тарифлар буенча ТР Дәүләт комитеты Казандагы ун даруханәдә тормыш өчен аеруча мөһим булган һәм мөһим дарулар буенча тикшерү үткәргән.

Комитетның матбугат хезмәте хәбәр итүенчә, бәя категорияләре төрле булган дарулар тикшерелгән. Нәтиҗәдә, өч даруханәдә бәяләрне артык күтәрү ачыкланган. Болар «Пульс», «Полимед» һәм «Социаль аптекалар»ҖЧҖләре. Әлеге очраклар буенча РФ Административ хокук бозулар кодексының 14.6 маддәсе нигезендә штраф салу каралган.

Исегезгә төшерәбез: Татарстан Хөкүмәте кеше тормышы өчен аеруча мөһим булган, шулай ук мөһим булган препаратларга бәяләр билгеләүдә аерым кагыйдәләр билгеләгән иде. Сатучы 50 сумга кадәрге препаратларга – 32 процентка кадәр; 50дән 500 сумга кадәр булганнарга – 30; 500 сумнан югары булганнарга 23,4 процентка кадәр сумманы өсти ала.

#Даруханә #дару #Тарифлар буенча ТР Дәүләт комитеты

Сәхифәләр

Казанда берничә даруханәдә аеруча мөһим даруларга бәяләр арттырылып сатылган