Казанда беренче тапкыр «Яндекс.Драйв» каршеринг автомобиле белән авария булган
Юл-транспорт һәлакәте бүген иртән Восход урамында килеп чыккан.
Скопировать ссылку
(Казан, 28 май, «Татар-информ»). Казанда беренче тапкыр «Яндекс.Драйв» каршеринг автомобиле катнашында авария булган. Шаһитлар юл-транспорт һәлакәте килеп чыккан урында төшерелгән фотоларны социаль челтәрдә урнаштырган.
Шаһитлар әйтүенчә, юл һәлакәте иртәнге җиделәр тирәсендә Восход урамында булган. Кадрлардан күренгәнчә, авария нәтиҗәсендә ак төстәге «Хендэ» автомобиле җитди зыян күргән – аның фаралары, алгы бамперы, капоты ватылган, шулай ук тәгәрмәченә зыян килгән.
Юл-транспорт һәлакәтенең сәбәпләре һәм зыян күрүчеләрнең саны ачыклана.
- Казанда «Яндекс.Драйв» компаниясенең каршеринг сервисы (автомобильләрне кыска вакытка арендага бирү) моннан бер көн элек кенә эшли башлады.