Мәдәният 23 декабрь 2005 14:38

Казанда беренче тапкыр “Мөселман” балеты күрсәтелде

Скопировать ссылку

(Казан, 23 декабрь, “Татар-информ”, Ландыш Харрасова). Кичә “УНИКС” мәдәни-спорт комплексында “Борынгы бабалар авазы” дип исемләнгән Айрат Фазылҗановның концерты узды. Әлеге концерт шуның белән үзенчәлекле – анда Айрат Фазылҗанов беренче тапкыр “Мөселман яисә иманга юл ” балетын күрсәтте. Ул Казанның 1000 еллыгына багышланган иде.

Балетны Айрат Фазылҗанов өчен “Дәрвиш” төркеме көенә хореограф Наил Ибраһимов әзерләгән. Анда кешенең Аллага ышануы, тормышының мәгънәсе, рухи көче тасвирлана.

Айрат Фазылҗанов һөнәре буенча – табиб (эндоскопист). Бию аның яраткан шөгыле генә булса да ул төрле бәйгеләрдә катнашып килә.

Айрат Фазылҗанов белән бергә концертта Ирина Позняк , “ЭОС” яшьләр эксперименталь театры, “Пантера” камера балеты, “Дорога из города” бию театрлары чыгышлары булды.

Сәхифәләр

Казанда беренче тапкыр “Мөселман” балеты күрсәтелде