Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда беренче тапкыр көзге каникулларда мәктәп яны лагерьлары ачыла
14 меңгә якын бала 2-7 ноябрьдә 157 мәктәп базасындагы лагерьларда ял итә алачак.
(Казан, 26 октябрь, «Татар-информ», Динара Прокопьева). Көзге каникул вакытында Казан мәктәпләрендә укучылар өчен мәктәп яны лагерьлары ачыла. Мәгариф идарәсе башлыгы Ирек Ризванов Казан мэриясендә узган эшлекле дүшәмбе киңәшмәсендә шулай дип белдерде.
«Каникул вакытында Казанда соңгы елларда беренче тапкыр мәктәп яны лагерьларының көзге сменасы оештырылачак. 14 меңгә якын бала 157 мәктәп базасындагы лагерьларда ял итәргә ниятли. Биш көнлек смена 2-7 ноябрьдә узачак», - диде докладчы.
Лагерьлар иртәнге тугыздан көндезге өчкә кадәр ачык булачак, кизү сменалар исә 8.30 сәгатьтән 18.30 сәгатькә кадәр дәвам итәчәк.
Мәктәп укучысы өчен юллама бәясе биш көнгә 858,4 сум тәшкил итә, әмма әти-әниләргә аның 15 процентын, ягъни 128,75 сумын гына түләргә туры киләчәк. Көненә өч тапкыр ашату бәясе - 143,26 сум.
«Юллама бәясе бер дә кыйммәт түгел. Туклану чыгымнары тулысынча бюджет хисабына каплана», - дип аңлатма бирде әлеге саннарга Казан мэры Илсур Метшин.
- Җәен коронавирус пандемиясе аркасында мәктәп яны лагерьлары ачылмаган иде.
Кызыклы яңалыкларны күзәтеп бару өчен Телеграм-каналга язылыгыз