Казанда беренче тапкыр «Яңа ел Печән базары» узачак
Скопировать ссылку
13-14 декабрь көннәрендә Казанда беренче тапкыр «Яңа ел Печән базары» узачак. Бәйрәм Агишев йортында (Каюм Насыйри урамы, 38) ике көн (11:00 сәгатьтән 20:00 сәгатькә кадәр) дәвам итәчәк. Бу хакта оештыручылар хәбәр итә.
«Кул эшләре, тәмле ризыклар, җылы мохит һәм Яңа елга иң шәп бүләкләр – барысы да бер урында! 13-14 декабрь, 11:00-20:00, Агишев йорты (Каюм Насыйри урамы, 38). Яңа ел алдыннан дусларыгыз һәм якыннарыгыз өчен бүләкләр сайларга иң шәп вакыт! Без сезне көтәбез», – диелә хәбәрдә.
Фото: © Оештыручылар тәкъдим итте