Казанда Бердәм дәүләт имтиханын йөз баллга тапшыручылар саны ике тапкыр арткан
Химиядән йөз балл җыючылар – дүрт, рус теленнән ике мәртәбә арткан.
(Казан, 27 август, «Татар-информ», Надежда Гордеева). Казанда быел Бердәм дәүләт имтиханын йөз баллга тапшыручылар саны ике тапкыр (46дан 89га кадәр) арткан. Бу Татарстан күрсәткеченең 46,4 процентын тәшкил итә. Казан Башкарма комитетының Мәгариф идарәсе башлыгы Илнар Һидиятов «Казан мәгариф идарәсе – яңа мөмкинлекләр һәм иҗтимагый диалог өчен киңлек» дип исемләнгән мәгариф хезмәткәрләренең шәһәр август киңәшмәсе утырышында шул хакта хәбәр итте.
Докладчы сүзләренчә, агымдагы елда Казанда 5,5 меңгә якын укучы БДИ тапшырган.
14 фәннең 8еннән имтиханны йөз баллга тапшыручылар саны арткан. Немец һәм инглиз телләреннән үсеш – 10, рус теле һәм химиядән 5 процент тәшкил иткән.
Химиядән йөз балл җыючылар – дүрт (20 кеше), рус теленнән ике мәртәбә (36 кеше) арткан.