Казанда бер машина юл чатында авария китереп чыгарган, өч кеше имгәнгән
Авария кичә кичке бишләр тирәсендә Профсоюз һәм Университет урамнары чатында булган.
(Казан, 12 май, «Татар-информ», Полина Шевчук). Казанда чит ил автомобилен идарә итүче хатын-кыз юл чатында башка машинага юл бирмәгән һәм авария китереп чыгарган. Нәтиҗәдә, өч кеше зыян күргән. Бу хакта «Татар-информ» агентлыгына шәһәр Дәүләт автоинспекциясеннән хәбәр иттеләр.
Авария кичә кичке бишләр тирәсендә Профсоюз һәм Университет урамнары чатында булган.
Башлангыч мәгълүматлар буенча, «Шкода» автомобилен идарә итүче 34 яшьлек хатын-кыз башка транспорт чарасына юл бирмәгән һәм төп юлдан хәрәкәт иткән «Фольксваген» белән бәрелешкән. Нәтиҗәдә, «Шкода» тротуарга менгән һәм юл билгесенә килеп сыланган.
«Авария нәтиҗәсендә өч кеше - «Фольксваген»ның 37 яшьлек йөртүчесе һәм шул ук автомобильнең 47 һәм 23 яшьлек ике пассажиры төрле тән җәрәхәтләре алган», - дип искәрттеләр ЮХИДИ идарәсендә.
