Мәдәният 29 сентябрь 2018 16:53

Казанда Башкортстан Милли яшьләр театры гастрольләре бара

Уфа артистлары өч көнгә алты спектакль алып килгәннәр.

Скопировать ссылку

(Казан, 29 сентябрь, «Татар-информ», Рузилә Мөхәммәтова). Казан Яшь тамашачы театрында Мостай Кәрим исемендәге Башкортстан Милли яшьләр театры гастрольләре бара. Уфа театрының рус труппасы Казанга алты спектакль алып килгән. Көн саен икешәр спектакль күрсәтелә. Аларның көндезгеләре балалар өчен булса, кичкеләре өлкәннәргә тәкъдим ителә.

Кичә гастрольләр Марк Твенның «Том Сойер маҗаралары» һәм «Оскар» лаунж-комедиясе белән ачылды. Бүген көндез Э.Т.А. Гофманның «Щелкунчик» музыкаль әкияте күрсәтелде. Кич П. О. Бомаршеның «Женитьба Фигаро» спектакле була.

Иртәгә артистлар Ш.Перро әкияте мотивлары буенча «Золушка» музыкаль-эксцентрик тамаша тәкъдим итәчәкләр. Гастрольләр М. Камолеттиның «Гарнир по-французски» комедиясе белән ябыла.

Оештыручылар хәбәр итүенчә, спектакльләр аншлаг белән бара.

#башкортстан #театр

Сәхифәләр

Казанда Башкортстан Милли яшьләр театры гастрольләре бара