Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда башкорт язучысы Айгиз Баймөхәммәтовның татар телендәге китабы тәкъдим ителә
«Нахак» җыентыгы «„Казан утлары“ китапханәсе» сериясендә алтынчы китап булды.
(Казан, 24 август, «Татар-информ»). 3 сентябрь көнне Татарстан Язучылар берлегендә яшь башкорт язучысы Айгиз Баймөхәммәтовның «Нахак» китабын тәкъдим итү кичәсе була.
Китап татар телендә басылды. «Нахак» җыентыгы «„Казан утлары“ китапханәсе» сериясендә алтынчы китап булды. Pocketbook форматындагы китаплар сериясе «Казан утлары» журналы тарафыннан «Татмедиа» акционерлык җәмгыяте ярдәме белән нәшер ителә.
«Урам балалары» повесте һәм «Нахак» хикәясе геройлары — катлаулы язмышлы, ата-ана тәрбиясеннән мәхрүм калган яшүсмерләр. Аларга тормышта үз юлларын мөстәкыйль салырга туры килә. Унөч яшьлек Данил — ятим бала, урамда яши, әмма төзүче булырга һәм үз йортын салырга хыяллана. «Нахак» хикәясе герое Иделгә яла якканнар, ул олылар дөньясында хакыйкатьне эзләргә мәҗбүр.
Чарада китап авторы Айгиз Баймөхәммәтов, ТР Дәүләт Советы депутаты, ТР Язучылар берлеге рәисе Ркаил Зәйдуллин, «Татмедиа» АҖ генераль директоры Шамил Садыйков, «Казан утлары» редакциясе, язучылар, журналистлар катнашачак, дип хәбәр ителә Язучылар берлеге сайтында. Чара 15.00 сәгатьтә башлана
Кызыклы яңалыкларны күзәтеп бару өчен Телеграм-каналга язылыгыз