Җәмгыять 24 август 2018 08:39

Казанда балаларга куша торган иң популяр исемнәр билгеле

Казандагы иң яшь анага 19 яшь, иң өлкәненә – 45 яшь.

Скопировать ссылку

(Казан, 24 август, "Татар-информ"). Казанда балаларга куша торган иң популяр исемнәр турында Казанның Гражданнар хәле актларын теркәү идарәсенә сылтама белән, шәһәр мэриясе матбугат хезмәте хәбәр итте.

16 августтан 22 августка кадәр Казанда 350 бала, шул исәптән 187 малай һәм 163 кыз туган. Атна дәвамында иң еш кушылган исемнәр: Александр, Әмир, София, Аяз, Әскар, Ева, Асель, Марк, Алисә, Самир, Әминә. Сирәк кушылган исемнәр: Элиза, Марьяна, Софи, Эльман, Рим, Мөслимә, Станислава, Арслан, Ирада.

Казанда иң яшь анага 19 яшь, иң өлкәненә – 45 яшь. Иң яшь әтигә 22 яшь, иң өлкәненә – 53 яшь.

Туган вакытта минималь һәм максималь бала авырлыгы күрсәткечләре – 530 һәм 4730 грамм.

#бала туу #балага исем кушу

Сәхифәләр

Казанда балаларга куша торган иң популяр исемнәр билгеле