Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда балалар бакчасы һәм мәктәпләрне төзекләндерүгә 526 миллион сум акча тотылачак
План буенча шәһәрдә 12 мәктәп һәм 9 балалар бакчасы төзекләндерелергә тиеш.
(Казан, 6 март, «Татар-информ», Рөстәм Кильсинбаев). Социаль объектларны капиталь төзекләндерү программасы кысаларында быел Казанда 12 мәктәп (13 бина) һәм 9 балалар бакчасын төзекләндерү планлаштырыла. Моның өчен 526 миллион сум акча каралган. Шулай ук 43,2 миллион сумга 8 үсмерләр клубы рәткә китереләчәк. Бу хакта бүген шәһәр мэриясенең эшлекле дүшәмбе киңәшмәсендә әйтелде.
Болардан тыш башкалада 224 күпфатирлы йортны да капиталь төзекләндерү ниятләнелә. Бу максатларда 1,5 млрд. сум акча бүлеп бирелә. Аның 29 проценты – республика, 19 проценты – шәһәр бюджетыннан булса, 52 процент чамасы милекчеләр керткән акча.
Моннан тыш 130 йортта, шул исәптән элеккеге биш тулай торакта, 1 млрд. сумга комплекслы эшләр башкарылачак, 45 йортта 141лифт алмаштырыла.
Казан шәһәре мэры Илсур Метшин әлеге саннарга тукталып, эш халык белән тыгыз элемтәдә алып барыла, дип белдерде.
Кызыклы яңалыкларны күзәтеп бару өчен Телеграм-каналга язылыгыз