Казанда Бөтендөнья татар хатын-кызлары съезды узачак
Чарада Татарстан Республикасы районнарыннан, Россия Федерациясенең 67 регионыннан, 27 Ерак һәм Якын чит илләрдән 500 делегат катнашачак.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 28 март, "Татар-информ"). Бөтендөнья татар конгрессы Башкарма комитеты “Ак калфак” татар хатын-кызлары оешмасы белән берлектә агымдагы елның 18-20 апрель көннәрендә Казанда Бөтендөнья татар хатын-кызлары съездын уздыра. Бу турыда конгрессның матбугат хезмәте хәбәр итә.
Искәртеп үтәргә кирәк, әлегә кадәр бу җыелышлар форум буларак оештырылып килде, 2017 елда аның бишенчесе узган иде.
18-20 апрель көннәрендә узачак съезда Татарстан Республикасы районнарыннан, Россия Федерациясенең 67 регионыннан, 27 Ерак һәм Якын чит илләрдән 500 делегат катнашачак.
Шулай ук чарада махсус чакырылган, мәртәбәле кунаклар катнашуы да көтелә.